Have you heard of the saying, “Hard times will always reveal true friends?”
If you haven’t heard about that or if you are someone who’s in that bubbly stage of her life then I am sending you a hug right now to congratulate you and you are in a treat for a read.
Mapaglaro lang talaga ang tadhana at may sarili itong paraan para ipakilala sa’yo ang mga taong nakapaligid sa’yo. Magpasalamat ka pa din dahil ibig sabihin nun may chance ka baguhin ang mga mali at ipagpatuloy naman ang tama.
5 NA PALATANDAAN NA PANAHON NA PARA MAKIPAG-BREAK KA SA KAIBIGAN MO;
Sa puntong ito, mapapatanong ka siguro ng, “nagbe-break din pala ang mga magkakaibigan?” Ang sagot ay, OPO. At kagaya ng lahat ng relasyon, maging pagkakaibigan po, ay maari mabigyan ng tuldok. Masakit at nakakapanghinayang pero ganun talaga. May mga bagay na di laan sa isa’t isa.
Basahin mo ang mga palatandaan at subukan mong i-assess ang mga relasyon na meron ka ngayon. Baka isa dun ay patungo na din sa pagtatapos.
1. CLOSE NA CLOSE PA KAYO NUNG MGA PANAHON NA DI PA NIYA NAKUKUHA ANG GUSTO NIYA.
Alalahanin mong maige kung may participation ka ba sa pag-abot niya sa mga pangarap na yun. Malamang isa ka sa mga nasa loob ng support team na matinding magpalakas ng loob niya. Tagapagpaalala na ‘di pa katapusan ng mundo nung mga panahon na sinasagupa niya pa ang mga pagsubok sa buhay niya. Pero mabuti kang kaibigan. Di ka din nagkulang sa pagsasabi ng, “Huwag kang mawalan ng pag-asa.” Congratulations! Naniwala siya sa’yo pero hanggang doon na lang yun, hindi dapat umasa masyado.
2. HINDI MAN LANG MARUNONG MAG-ABALA NA MANGAMUSTA KAHIT ALAM NIYA NA MAY PINAGDADAANAN KA. Hello?! Kung syota mo nga ang gagawa niyan sa’yo malamang awayin at hiwalayan mo di ba? Sa kaibigan pa kaya? Ganun lang kasimple yun di ko na kailangan ipaliwanag ng mahaba. Tama?
3. WALA KA NG GANA NA MAGKWENTO DAHIL PAKIRAMDAM MO ISA KA NG MALAKING ABALA.
May dahilan ka naman kung bakit mo naramdaman yun. Kung nasa matinong pag-iisip ka naman at di naman masyado praning, very sane mo naman made-determine yung ganung pakiramdam. Di ka din naman siguro manhid para di maramdamdaman na wala na siyang gana makinig sa mga adventures mo, mare. Yung tipong yung kwento na lang niya ang may sense. Yung problema na lang niya ang kailangan ng atensyon. Very one-sided na ang dating pag nagkikita kayo. Pagkakaibigan nga e di ba? E bakit pag ikaw ang may kailangan ng kausap paang wala siyang gana? Malu un! Tandaan mo, kung talagang meant pa na maging magkaibigan kayo, di ka sana naiilang. Pag nagsimula ka ng kwestyunin ang timbang mo sa buhay niya, may choice ka, testingin mo kung meron pa nga or simulan mo ng lumayo.
4. KAPAG NAGSIMULA KA NAMAN NG LUMAYO, DI KA NA NIYA HINAHANAP.
Madali i-type ang mga katagang I MISS YOU. Minsan nga dahil sa sobrang busy IMY na lang e. Pero kung ang tinuturing mong kaibigan mo ay di na magawa ang mga bagay na yan kasabay ng mga iba pang senyales sa taas, buksan mi na ang mata mo. Masakit man, papanindigan ko ang parati kong sinsabi na magpasalamat ka pa din dahil “mas maaga, mas maige.” Sa pagtagal-tagal ng panahon ganun na ata ang naging panindigan ko sa buhay. Kung mawawala ka din balang-araw, bakit di pa ngayon? Yung tipong ganun.
5. AT ANG PINAKAMASAKIT SA LAHAT, HINDI MO NA DIN NAMAN SIYA HINAHANAP.
Sa puntong ito, napatunayan mo na mutual naman din pala ang pakiramdam. Madaming dahilan para maging mutual at di mo na din siya hahanapin or ang presensya niya. Isa ay malamang isa pala siyang malaking “stress factor” sa buhay mo. Wala na siyang ginawa kundi gawin kang emotional punching bag dahil lahat na lang ng palpak niya ikaw ang tumatayong taga-gawa ng solusyon. Yung tipong mas magaan pala ang buhay at yung tinatawag kong back to normal, dahil di ka naman mismo mapaggawa ng problema. Maaari ding dahilan kung bakit di mo na siya hinahanap ay dahil natanggap mo na wala siya or na parang wala ka naman talagang kaibigan.
Sa mga nabanggit kong senyales sa taas, yan pa lang yung mgapinaka-obvious, tipong hard to miss. Yan na yung mga senyales na sumasampal na sa mukha mo at nag-iiwan na ng marka pero maaring ayaw mo pa din tanggapin dahil may denial ka pa at naiisip mo pa din na isalba ang relasyon mo sa taong ito. Wag kang malungkot, sabi nga nila, pag may nawawala, may pumapalit. Wag kang matakot na bitawan ang mga bagay na ‘di para sayo. At kapag may nakakita sayo na kakilala at hinanap ang kaibigan mo, wag kang mahiyang magsabi ng, “Wala na, break na kami.”
Sugarfixed. 
